2024 жылғы 12 желтоқсанда Қостанай облысы Білім басқармасының Ақпараттандыру және білім сапасын бағалау әдістемелік орталығы “Инженерия және көлік академиясы” Концорциумы туралы келісім шеңберінде М. Дулатов атындағы Қостанай инженерлік-экономикалық университеті ЖМ өкілдерімен бірлесіп Алтынсарин ауданының 9-11 сынып оқушыларымен 2 кездесу өткізді.
Кәсіптік бағдар беру жұмысымен М.Хакімжанова атындағы Щербаков жалпы білім беретін мектебінің 60-тан астам білім алушылары мен педагогтары қамтылды. Жоғары оқу орны жанындағы колледжге түсудің, студенттердің бос уақытын ұйымдастырудың негізгі шарттарына қызығушылық танытты. Силантьевка ауылының мәдениет үйінде екінші кездесу ұйымдастырылды, оған «Силантьев жалпы білім беретін мектебі» КММ, «Большая-Чураковка жалпы білім беретін мектебі», Ы.Алтынсарин атындағы Обаған жалпы білім беретін мектебі оқушылары мен мұғалімдері қатысты. Қамту 135 адамды құрады.
ҚИнЭУ қабылдау комиссиясының басшысы Ж. М. Жұмаш білім беру бағдарламаларымен таныстырды, мектептердің болашақ түлектерінің назарын осы ЖОО – да оқытылатын түлектерге арналған техникалық /машина жасау, энергетика, логистика/ және IT-мамандықтардың нюанстарына аударды, гранттар мен жеңілдіктер, виртуалды қабылдау комиссиясы бойынша ақпарат берді. ҚИНЭУ – де оқитын 2-3 курс студенттері студенттік өмірі туралы әңгімеледі.
Желтоқсан айының соңына дейін Денисов, Меңдіқара, Сарыкөл аудандарының түлектерін кәсіптік бағдар беру кездесулерімен қамту жоспарлануда.
